أم إيـــاد
ஜ ❤ الإدارة ❤ ஜ
۾ـشـٱڒڳـٱٺـيـﮯ : 6051
تسجيلـے : 06/06/2011
الإقامَهے : 
وظيفَهے : ربة بيت
الاذكار : 
الأوسمهے : 
 | موضوع: نهفات صائم عربي - الحلقة الثانية -  2012-08-27, 09:57 | |
| نهفات صائم عربي - الحلقة الثانية -
بهاليوم التاني فقت على أذان الظهر على غير عادة مبسوط ومروق ومو جوعان
عملت شاور عالسريع وصليت وقلت خلني اطلع شوي
نشوف هالعالم كيف مقضيين يومهن
طلعت عالشارع وشفت شوفات الله يسترنا وبس
يعني يا اخي المواطن إذا كان آذان المغرب الساعة 7 المسا
لماذا يا رعاك الله الشوارع بتبلش فيها الزحمة من الظهر مافهمت
مشيت بالسيارة بألف ويلاه بشوارع كنت اشتهي ألمح حدا فيها
يا أخي العالم صارت تجحش على بعضهن بالسواقة
وطول ما نحنا واقفين عالاشارات كلن طيط طوط هلكو الزمور هلك
كأنه المغرب رح يأذن بعد دقيقتين
نزلت عالسوق وهنيك شفت الفاجعة الكبرى
لشو هالفجعة على الأكل ومشتقاته من على بكرة الصبح
كله عم يشتري وكأنه بغير أوقات ما كانوا بيشتروا ولا بياكلوا
والأحلى من هيك بتلاقي يلي بحياته ما اتصل بمرته وقت دوامه
نازل فيها تلفونات كل خمس دقايق
ها شو طابخة اليوم ؟ بدك تعملي فتة ؟ لاتنسي الشوربة ها ؟
خلصو العرق سوسات جيب معي شوي ؟
لشو مابدك تعملي سلطة يا بنت الحلال عمليها بلا بقدونس
مابتعرفيني بحبها ؟
يا عالم والله هالعالم بيحزنوا صايمين بجد
وكله كوم والرذالة يلي الواحد بده يتحملها هاي كوم تاني
الله وكيلكن كل شخص بيحملنا نحنا يا البشر منية صيامه
وبتلاقيه طول ماهوي قاعد بينتر فيك وبيقلك يا أخي الدنيي صيام الله يرضى عليك
لاتطالعلي خلاقي ولاتنزعلي مرائي وخلي هاليوم يمرق على خير مع نظرة توعدية جدية
وكل ما تطلب شي شغلة من موظف حكومي أو خاص مابتفرق
بتلاقيه بيتطلع فيك كأنك قاتل حدا من عيلته ويقلك يا أخي صايمين طول بالك
وكأنه رح يجيني شي منه إذا صام ولا ما صام عم يحملني جميلة
وكأنه حسنات صيامه رح تجي لإلي ومالي خبر
لا وشو ما رح قلكن عن روايح التم يلي شمشمتها اليوم من عند الصبح
يعني الواحد منهن ما لحق ينشف ريقه بقى هاي لحالها بترفع ضغطي
الشغلة يا أخي المواطن بدها معجون أسنان وفرشاية مو قصة كبيرة
بس أبدا مابيصير بلكي بلع معجون الأسنان بالغلط ع أساس معجون الأسنان نوتيلا !
يعني قلت لواحد هالشي قلي هالريحة عند الله أطيب من المسك
طيب أوك أنا ماعندي هديك المؤهلات لشمها مسك بالنسبة لمناخيري عم توصلني ريحة غير شكل
قام بحلق فيني قلتله يا أخي شبك عم تبحلق فيني
يا سيدي مابدي منك تفرشي سنانك بس عالاقل دير وجهك عني ولابقى تحكيني بطلاقة
ورح تكون أموري تمام التمام ويا سيدي اللهم اني صائم انا وانت منيح هيك ؟
يا عمي والله مابعرف من وين بتجي هالتنبلة بالعالم مافهمت
ومابعرف كيف مرق وقتي وقرب المغرب رحت هالمرة على مطعم فطرت هنيك
وبرجعلكن بعد كم يوم بنهفة جديدة [ندعوك للتسجيل في المنتدى أو التعريف بنفسك لمعاينة هذه الصورة] | |
|
benghazi100
"◦˚ღ"◦˚عضو مشارك◦˚ღ"◦˚
۾ـشـٱڒڳـٱٺـيـﮯ : 15
تسجيلـے : 22/09/2012
الإقامَهے : 
وظيفَهے : libya
الاذكار :
| | موضوع: رد: نهفات صائم عربي - الحلقة الثانية - 2012-09-22, 06:35 | |
| السلام عليكم
موضوع مميز
المزيد من التميز و التألق
في منتديات
دار الاسرة | |
|
أم إيـــاد
ஜ ❤ الإدارة ❤ ஜ
۾ـشـٱڒڳـٱٺـيـﮯ : 6051
تسجيلـے : 06/06/2011
الإقامَهے :
وظيفَهے : ربة بيت
الاذكار :
الأوسمهے :
| | موضوع: رد: نهفات صائم عربي - الحلقة الثانية - 2012-10-28, 07:55 | |
| - benghazi100 كتب:
- السلام عليكم
موضوع مميز
المزيد من التميز و التألق
في منتديات
دار الاسرة شاكرة مرورك اخي
اسعدني تواصلك
كن بخير[ندعوك للتسجيل في المنتدى أو التعريف بنفسك لمعاينة هذه الصورة] | |
|
ابن المغرب البار
Җ ۞ ⋘ الإشراف العام ⋙ ۞ Җ
۾ـشـٱڒڳـٱٺـيـﮯ : 838
تسجيلـے : 22/09/2011
الإقامَهے :
وظيفَهے : مهندس
الاذكار : 
: 
| | موضوع: رد: نهفات صائم عربي - الحلقة الثانية - 2012-12-05, 13:35 | |
| جزاكِ الله خيراً وبارك في مجهودك الطيب | |
|
