نقْشْتْ وجْكْ المسرارْ
...ليَّا يضحك
على جدعْ الشْجر.
//
تسْلّْـطْ منـشـارْ
فْالشْجر ينشْـرْ
وجهـك غْبـرْ.
بكِيت أُقاسِيتْ وْ عْليه نادِيتْ
عساه يرجْعْ وِيعودْ يظهرْ.
//
رْسمتْ عِينِيكْ علَ الرْمالْ
ليَـا تـنظْـرْ
عْطاتْـني آمـالْ
فْشَـطْ لْبْحـرْ.
//
جا المدْ سيّـالْ
غطَّاها. .مْحاها
وْمعـاه دَّاهـا
وْرْجع لْـقْهْـرْ
بكِيتْ أُقاسِيتْ وْ عْلِيها نادِيت
عساها ترجْعْ وْتْعود تْبصْرْ
//
دْخْلتْ فْـلْحلامْ
شْفتْـكْ غْمـامْ
تْقْرايْلِي سْـلامْ.
حنانْك يقطْرْ
عطفْكْ يمطْرْ.
جاتْ الْفِيقَه.. فْطريقْ لْفْجرْ
أُغي فْدْقيقَه.. حلمي تْبخّـرْ
//
طلْبتْ من اللهْ..
فْوَقْتْ السّْحْـرْ
ليـلْـةْ لْقْـدْرْ.
إِشْكّْلْني شْكـالْ
فْكـل مضْهـرْ
//
تشْكْلْـتْ فْلَحنْ
لْقيتْكْ غنـوَة
فْنْغْماتْ لْوْتــارْ
،،
تْسْيْفْتْ نقطة
لقِيتكْ قْصّة
فْسْطورْ لْسْفــارْ
،،
تْشْكْلْـتْ فْحرفْ
لْقِيتك كلْمَة
فْبْيوتْ لْشْعــار
أبو هلال ب-غ
\\ وضعته هنا سهوا ..المرجو نقله الى موضعه فيض الاقلام
