أم إيـــاد
ஜ ❤ الإدارة ❤ ஜ
۾ـشـٱڒڳـٱٺـيـﮯ : 6051
تسجيلـے : 06/06/2011
الإقامَهے : 
وظيفَهے : ربة بيت
الاذكار : 
الأوسمهے : 
 | موضوع: نهفات صائم عربي (الحلقة الأولى)  2012-08-27, 09:54 | |
| نهفات صائم عربي (الحلقة الأولى) رمضان هالسنة جاينا
بعز الصيف ونحنا بالشتا كنا منمشيها بطلوع الروح كيف بقى بالصيف وحر
وقطعات كهربا والأضرب من هيك انه ولا دكتور رضي يعمللي اي عملية جراحية
لافطر عشرين يوم عالاقل بقى قررت انه بكل صلاة لالي ادعي عالدكاترة وقول الله يطول من ساعات صيامهم ويرهقهم ويجفف زورهم ويبليهم بمرض اليقظة طول النهار المهم اجا وقت السحور ومحسوبكن راح عالبراد وطالعت شوية جبن وزيتون وسلقت بيضتين وكاسة شاي وطبعا اربعة لتر مي بارد جهزتهن وكل ما باكل لقمة بشرب مي وعرقي بيتصبب من يلي رح شوفه بيومي من عطش وارهاق خلصت هالسحور وقمت توضيت وجهزت حالي للصلاة وقرأت قرآن لبين اجا يأدن شربت مي كأني صرلي سنين بالصحرا بدون مي ومقرر هلا روح صلي وارجع نام وفعلا صليت ويادوب سلمت وجيت قوم حسيت انه ريقي ناشف فتوترت اعصابي قلت مو من هلا ياربي شو هالعلئة اجيت لغرفتي وجهزت حالي ورحت نام وطبعا هيأت كل الأجواء للنوم ولاشبع نوم وقضي نص يومي نوم وفعلا نمت ولانه الله
بيحبني اكتر منكن فقت الساعة سبعة الصبح لقيت الكهربا قاطعة والتكييف فاصل
وطليت من الشباك لقيت انه الشمس ماحليلها الا توقف فوق بيتي رحت بدلت الغرفة والف وادور بالبيت وحر كتير رطوبة ماتحملت واللي ناقطني انه الساعة بعدها سبعة فقررت اني نام عالارض لأستبرد وفعلا صار هيك ونمت وفقت لقيتها سبعة ونص اكاد اكون طلعت من ملتي ليه الساعة ماعم تتحرك مافهمت وبدون وعي رجعت نمت
للظهر فقت متل الاسد اخدت شاور وصليت وفتحت التلفزيون لشوف اي فقرة من
تبعون المطابخ هدول مابيكترو برامجهن الا برمضان ولقيت برنامج طبخ وكتبت الوصفة تبع الاكلة وقررت اني اعملها شي يوم بس عالاكيد مو اليوم لاني عامل برنامج معين للفطور طلعت من البيت والدنيي
ياحبيبي شو حر ركبت سيارتي وماصدقت شغلت التكييف وقلت يارب عالسوق اشتريت
شوية خضار ودجاجة تؤبر قلبي شو حبيتها من قبل ماتندبح ورجعت عالبيت وجهزت
بالمطبخ كل شي بيتطلب تجهيز الفطور ورحت اقرا قران وسبحان الله وانا بقرا
قران نمت ساعتين بدون هز فقت مصدع وكتاب القران واقع جنبي عالكنبة فقلت ياربي شو اعمل
هلا شو اعمل رحت جبت اعمل كنافة بحبها كتير خصوصا عمايل ايدي بزبطها
ولاتعتبروها انه هاي دعوة لتزوروني لاني رح اعملها وقتها باتعس حالاتها
بشان بحياتكن ماتفكرو ترجعوا تاني زبطتها ودلعتها
وحطيتها على ناحية وقلت لاشوف جماهير ماجدة شو عاملة فتت ويادوب لسى بفوت
لقيت شوية دعايات وشوية اعضاء مخالفين وشوية مشاكل حسيت حالي انه اليوم رح
يطول اكتر لو بقيت هلا رحت اجهز الاكل وعملت صينية بطاطس بالدجاجة وعملت شوربة وسلطات وقرب المغرب وسبحان الله اخر ساعة هاي بتفوت بطلوع الروح قلت بروح اقعدلي شوي بالبلكونة لاني صدعت من ريحة الاكل وصرت اتطلع بالشارع عم شوف البشر متل سجاير ماشيين والسيارات متل قناني مي متلجة وانعمى قلبي ومافطنت
الا وقت شميت ريحة صينيتي عم تنحرق هون حسيت انه زلزال بدرجة الف على سلم
ريختر ضرب مركز الاعصاب عندي ورحت ركض للمطبخ وطالعتها وبتحسر شوي تانية كنت رح ابكي
هههههههههههه المهم قدرت استصلح منها شوي وجهزت السفرة وناطر الادان يأدن
ويادوب قال الله اكبر قام قطعولنا الكهربا فرحت ركض شغلت مولد
الكهربا وانا عم بشرب مي ورجعت اكلت لبين شبعت ورحت توضيت وصليت وشعلت اول
سيجارة حسيت حالي اني عم دخن حشيش راسي صار يلف فيني لف ارتميت عالسرير ونمت
نص ساعة وفقت على جرس الموبايل رفيقي الموقر قال بيقلي قررنا انا والشباب
بعد مانصلي التراويح نعزم حالنا لعندك لناكل قطايف ونتحدث شفتو وقت الانسان
ينصدم بوفاة اقرب الناس اله هيك كانت الصدمة على ملامحي وانا عم قول بقلبي
حسبيا الله هو نعم الوكيل قلتله بتشرفو اهلين وسهلين فيكن وقت شرفوا الشباب
بقينا نحكي ونضحك ونتسامر وعم يحكوا كيف قضو يومهن وسبحان الله اشتهيت
المح فيهن واحد صادق ومابيكذب ومر الوقت لبين تاخر وراحوا ورحت تسحرت بكير
وقلت بفيق بشرب مي وبصلي وبرجع نام وهيك بيكون مرق اول يوم من هالشهر علي وبرجعلكن بعد كم يوم بأكشنات جديدة
ورح يكون الموضوع حلقتين كل اسبوع طيلة هالشهر
بيعيني الله [ندعوك للتسجيل في المنتدى أو التعريف بنفسك لمعاينة هذه الصورة] | |
|
بســ أمل ــمة
"◦˚ღ"◦˚عضو ذهبي◦˚ღ"◦˚
۾ـشـٱڒڳـٱٺـيـﮯ : 535
تسجيلـے : 07/12/2011
الإقامَهے :
وظيفَهے : ----
الاذكار : 
| | موضوع: رد: نهفات صائم عربي (الحلقة الأولى) 2012-09-09, 17:00 | |
| هههههه
حلوة
هذا حالنا جميعا
شكرا لك | |
|
أم إيـــاد
ஜ ❤ الإدارة ❤ ஜ
۾ـشـٱڒڳـٱٺـيـﮯ : 6051
تسجيلـے : 06/06/2011
الإقامَهے :
وظيفَهے : ربة بيت
الاذكار :
الأوسمهے :
| |
ابن المغرب البار
Җ ۞ ⋘ الإشراف العام ⋙ ۞ Җ
۾ـشـٱڒڳـٱٺـيـﮯ : 838
تسجيلـے : 22/09/2011
الإقامَهے :
وظيفَهے : مهندس
الاذكار :
: 
| | موضوع: رد: نهفات صائم عربي (الحلقة الأولى) 2012-12-05, 13:37 | |
| جزاكِ الله خيراً وبارك في مجهودك الطيب | |
|
